ԵՐԵՎԱՆ, 14 հոկտեմբերի — Sputnik. Բեսլանում վայրէջք կատարած ԱԻՆ հատուկ ինքնաթիռը վթարից տուժածներին կտեղափոխի Հայաստան, հաղորդել է ԱԻՆ-ի` Հյուսիսային Օսեթիայի հարցերով զբաղվող գլխավոր վարչության ներկայացուցիչը։
«ԱԻՆ ինքնաթիռը Հայաստան կտեղափոխի 27 մարդու, թռիչքը տեղի կունենա առաջիկայում, բացի այդ Երևան, կուղարկվի մահացածներից մեկի մարմինը»,- ասել է գործակալության զրուցակիցը։
Այս պահի տվյալով` 10 մարդ լքել է ժամանակավոր տեղակայման կետը և սեփական միջոցներով ուղևորվել Երևան։
Հյուսիսային Օսեթիայում ժամը 04։30-ին խոշոր վթար է տեղի ունեցել. միմյանց են բախվել Մոսկվա-Երևան ուղևորատար ավտոբուսն ու մեքենաներ տեղափոխող բեռնատարը։ Ավտովթարի հետևանքով մահացել է 5 մարդ, 27-ին տեղափոխել են հիվանդանոց։ Տուժածներից չորսը 10-15 տարեկան երեխաներ են։ Նախնական տվյալով` տուժածների մեծ մասը Հայաստանի բնակիչներ են։
