ԵՐԵՎԱՆ, 14 հոկտեմբերի — Sputnik. ՌԴ տարածք օպերատիվ ուժեր Հայաստանից չեն մեկնել, քանի որ դա տեղի է ունեցել Հյուսիսային Օսեթիայում, տեղի օպերատիվ ուժերը կզբաղվեն բոլոր հարցերով, հայտնեց ՀՀ արտակարգ իրավիճակների նախարարության ճգնաժամային կառավարման կենտրոնի պետ Հովհաննես Խանգելդյանը։
Այս պահին եռակողմ տեսակապ է նախատեսվում, Հայաստանի-Օսեթիայի և Ռուսաստանի Դաշնության ճգնաժամային կառավարման ազգային կենտրոնների միջև` մանրամասները հստակեցնելու և հետագա աշխատանքները պլանավորելու համար։
«Համագործակցությունն իրականացվել է Ռուսաստանի դաշնության և Օսեթիայի ճգնաժամային կառավարման ազգային կենտրոնների միջև։ Այս պահի դրությամբ դեռևս կան հոսպիտալացվածներ, որոնք ստանում են համապատասխան բուժօգնություն։ ՌԴ-ն հայտնել է տրանսպորտային միջոցներ տրամադրելու պատրաստակամություն` ՀՀ քաղաքացիներին Հայաստան տեղափոխելու համար», — ասաց Խանգելդյանը։
Այս պահի դրությամբ կա 5 զոհ, 26 տուժած, ժամը 10։00-ի տվյալներով հիվանդանոցներում տուժածների թիվը 9-ն է, 4-ը երեխաներ են` ազգությամբ ոչ հայ։ 26 տուժածներից 22-ն են հայեր։
