Մոսկալկովա. հայ միգրանտների փոխանցումները հավասար են Հայաստանի բյուջեին

© Sputnik / Илья Питалев / Անցնել մեդիապահոցТатьяна Москалькова
Татьяна Москалькова - Sputnik Արմենիա
Բաժանորդագրվեք
НовостиTelegram
Ռուսաստանի օմբուդսմեն Տատյանա Մոսկալկովան հայտարարել է, որ երկրի առջև երկու խնդիր էր ծառացել` միգրացիոն հոսքում թույլ չտալ հանցավոր աշխարհի ներթափանցումը Ռուսաստան և պայմաններ ստեղծել միգրանտների համար։

ԵՐԵՎԱՆ, 21 հոկտեմբերի — Sputnik. Հայաստանը, Ուզբեկստանն ու Տաջիկստանը միգրանտներից այնքան փոխանցումներ են ստանում, որ դա հավասար է նրանց բյուջեներին։ Այս մասին հայտարարել է Ռուսաստանի Դաշնության Մարդու իրավունքների հանձնակատար Տատյանա Մոսկալկովան։

Նա նշել է, որ Ռուսաստանի առջև երկու խնդիր է դրված` միգրացիոն հոսքում կանխել հանցավոր աշխարհի ներթափանցումը և պայմաններ ստեղծել միգրանտների համար, որոնց շնորհիվ զարգանում են տնտեսության մի շարք հատվածներ։

«Մենք սովորեցինք «մաղել» այն միգրանտներին, որոնք Ռուսաստանի Դաշնությունում վնաս են հասցնում մարդու իրավունքներին», — ասել է օմբուդսմենը։

Ըստ նրա` խոսքը վերաբերում է նրանց, ովքեր լուրջ հիվանդություններ ունեն, հանցագործ են, չեն կարող ինտեգրվել մշակութային սոցիումին։

«Երբ երեք տարի առաջ մենք մեր երկիր մուտք գործելու արգելք սահմանեցինք նրանց համար, ովքեր վարչական և քրեական իրավախախտումներ էին արել, աշխարհը բորբոքվեց, բոլորը շատ խիստ, գրեթե վերջնագրի ձևով ասացին` ի՞նչ եք անում», — նշել է նա։

Մոսկալկովայի խոսքով` մարդիկ բողոքում էին, որ իրենց ուսանողները չեն կարողանում մուտք գործել Ռուսաստան, չեն կարողանում սովորել, քանդվում են համատեղ ամուսնությունները։

«Իսկ Ուզբեկստանը, Տաջիկստանը, Հայաստանը միայն միգրանտների պաշտոնական փոխանցումների հաշվին ստանում են իրենց երկրորդ բյուջեն, այսինքն այնքան գումար են ստանում, որը հավասար է պետության բյուջեին», — ասել Մոսկալկովան։

Ըստ նրա` Ռուսաստանը կարողացավ դիմակայել ճնշմանը, և այժմ այդ հարցը լուծվել է, որոշակի անհավասարություններ կան, որոնք հարթվում են, մասնավորապես` խառը ընտանիքների դեպքում, որտեղ ընտանիքի անդամներից մեկը ՌԴ քաղաքացի է, իսկ մյուսը` մեկ այլ երկրի քաղաքացի, և թույլ չեն տալիս, որ նա մուտք գործի երկիր կամ արտաքսում են Ռուսաստանից։

Լրահոս
0