ԵՐԵՎԱՆ, 26 հոկտեմբերի — Sputnik. ԱԺ փոխխոսնակ Էդուարդ Շարմազանովը հիշեցրեց, որ ժամանակին իրենք գնահատականներ են հնչեցրել երևույթների վերաբերյալ։
«Շատ ավելի լավ է լինել սիրո, բարության, ներողամտության կրող, քան թե լինել զոռբայության և նենգության կրող։ Որտեղ կա սեր, բարություն, ներողամտություն, ես այնտեղ եմ, որտեղ կա զոռբայություն, բիրտություն, ես դեմ եմ։ Անցյալում են նենգության և չարության ժամանակները, հուսով եմ` ներկան և ապագան կլինի սիրով և ներողամտությամբ»,-ասաց նա։
Շարմազանովը չմոռացավ հիշեցնել հայտնի դարձած արտահայտությունը` մենք կրկեսի վերածելու հայրենիք չունենք։
Տեղեկացնենք, որ երեկ` հոկտեմբերի 25-ին էլ Շարմազանովը նույն թեմայի շուրջ խոսելիս մեջբերել է անտիկ դարաշրջանի հույն փիլիսոփա Հերակլիտին` ամեն ինչ հոսում է, ամեն ինչ փոփոխվում է։
