ԵՐԵՎԱՆ, 31 հոկտեմբերի — Sputnik. 70-ամյա փոփ-երգչուհի Շերը (Շերիլին Սարգսյանը) հայտարարել է, որ որոշել է հեռանալ բեմից։ Այս մասին հայտնում է The Moscow Post-ը։
Վերջին շրջանում երգչուհին հաճախ է դժգոհում իր արտաքին տեսքից և ինքնազգացողությունից։ Այդ պատճառով էլ հաջորդ տարվա սկզբին Լոս Անջելեսում նախատեսված համերգները վերջինը կլինեն` անկախ այն հանգամանքից, որ երկրպագուները խնդրում են չլքել բեմը, իսկ երգչուհին էլ նրանց հավատացնում է, թե ինքն առողջական որևէ խնդիր չունի։
«Իմ ձայնը դեռ լավ վիճակում է, և ես առաջվա պես «տեղավորվում եմ» իմ զգեստների մեջ։ Իհարկե, ես կանգ առնելու ցանկություն չունեմ, բայց կարծում եմ, որ այս շրջագայությունը վերջինը կլինի», — ասել է Շերը։
Երգչուհին 70-րդ տարեդարձը նշել է այս տարվա մայիսի 20-ին։ Նա կարիերան ավարտելու մասին հայտարարել էր նաև 2002 թվականին Living Proof: The Farewell Tour համերգային շրջագայությունից առաջ և 2014 թվականին` Dressed To Kill շրջագայության ժամանակ, սակայն նրա հայտարարություններն այդպես էլ իրականություն չդարձան։
Շերիլին Սարգսյանը շոու բիզնեսի ամենահեղինակավոր մրցանակների հավաքածու ունի` «Էմմի», «Օսկար», երեք «Ոսկե գլոբուս»։
.jpg){kind=link}