ԵՐԵՎԱՆ, 3 նոյեմբերի — Sputnik, Խաչիկ Չախոյան. Գործկոմի նիստից անմիջապես հետո ՀՖՖ նախագահ Ռուբեն Հայրապետյանը ներկայացրել է նոր գլխավոր մարզչին ու պատասխանել հարցերի:
Շվեյցարական «Ցյուրիխի» երիտասարդական թիմում երկար տարիներ աշխատելուց հետո մեր հավաքականի պատմության մեջ լավագույն ֆուտբոլիստներից մեկը` Արթուր Պետրոսյանն, առաջնորդելու է մեր հավաքականին ԱԱ-2018-ի ընտրական փուլում:
Մեր ընտրանին անցկացրած երեք խաղում նույնքան պարտություն է կրել և բազմաթիվ հարցեր էին կատուակվել, որոնցից ամենագլխավորին (կապված խաղացողների ու խաղի փոփոխման հետ) պատասխանելով Արթուր Պետրոսյանը նշեց. «Իհարկե, փոփոխություններ լինելու են և՛ խաղացողների, և՛ խաղի առումով: Թե ովքեր կխաղան հավաքականի կազմում՝ այս պահին չեմ կարող ասել, բայց վստահ եմ, որ խաղային առումով էլ փոփոխություններ կլինեն ու հուսով եմ նոյեմբերի 11-ին Չեռնոգորայի հետ խաղում դա արտեն տեսանելի կլինի»:
Հավաքականի ապագայի մասին ՀՖՖ նախագահ Ռուբեն Հայրապետյանը նշեց, որ ազգային հավաքականի աշխատանքը ճիշտ կազմակերպելու և ուղղորդելու դեպքում մեր թիմը կունենա հաջողություն:
Գաղտնիք չէ, որ մեր գլխավոր թիմում հիմա սերնդափոխություն է ընթանում, և այս դժվարին պահին Պետրոսյանի հեղինակությունն ու սերը ֆուտբոլիստների մոտ կարող է ծառայել մեր հավաքականի շահերին:
Նորնաշանակ գլխավոր մարզիչը նշեց, որ շատ լավ ծանոթ է հավաքականի ներքին խոհանոցին և հասկանում է, թե ինչպիսի մոտեցում պետք է ցուցաբերել ֆուտբոլիստներին:
Հետաքրքրող առաջնային հարցերից մեկը Յուրա Մովսիսյանի ու Ռոբերտ Արզումանյանի բացակայությունն է հավաքականում: Ռուբեն Հայրապետյանը նորանշանակ մարզչի հետ խոսելիս նշել է, որ բացի այդ երկու ֆուտբոլիստներից, հավաքականի դռները բաց են բոլորի առջև:
Իր հերթին Արթուր Պետրոսյանը նշեց, որ կուզենար տեսնել իր թիմում Յուրա Մովսիսյանին, բայց նախագահի հետ զրուցելուց հետո ամեն ինչ պարզ է դարձել: Ռոբերտ Արզումանյանն էլ ինքնակամ է հեռացել հավաքականից, այնպես որ, այդ հարցը նույնպես փակված է:
Հանդիպման ընթացքում հարց հնչեց, թե ինչու՞ Ռուբեն Հայրապետյանը հրաժարական չի տալիս: ՀՖՖ նախագահը նշեց, որ պատրաստ է հրաժարական տալու, միայն թե՝ ո՞վ է փոխարինելու իրեն այդ պաշտոնում:
«Կա՞ նման մարդ։ Եթե կլինի մեկը, որն իր ծրագրով կներկայանա ու կասի, որ պատրաստ է զարգացնել ֆուտբոլը, ես կհեռանամ»,- հավելեց Հայրապետյանը:
«Հայաստանի հավաքականի վատ ելույթների համար առաջին հերթին ես եմ պատասխանատու և մեղավոր: Իհարկե, բացթողումներ եղել են, որ մենք հիմա այս վիճակում ենք: Բայց նաև պետք առաջ գնալ ու մտածենլ այս վիճակից դուրս գալու մասին: Կան շատ օբյեկտիվ ու սուբյեկտիվ պատճառներ, թե ինչու է հավաքականը վատ խաղում: Խնդիրներին լուծում է պետք տալ, և նորնաշանակ մարզչի հետ մեկտեղ մենք հիմա մտածում ենք այս ամենի մասին- ավելացրեց Ռուբեն Հայրապետյանը:
Պարզից ել պարզ է, որ բաղթողնումների հետևանքով է Հայաստանի հավաքականը հայտնվել խաղային և հոգեբանական խորը ճգնաժամում: Եվ առաջին անգամ չէ, որ նշվում է մանկապատանեկան ֆուտբոլի մեծ դերն ու նշանակությունը ֆուտբոլի զարգացման գործում:
Ներկայումս ՀՖՖ-ն արդեն պայմանագիր է ստորագրել իսպանացի մասնագետների հետ, որոնք Հայաստանում աշխատելու են ճիշտ ճանապարհի վրա կանգնեցնել մանկապատանեկան ֆուտբոլը: Նշվեց նաև տարիքային այդ խմբում հայ մարզիչների աշխատանքի մասին, որը չի համապատասխանում մեր ցանկություններին:
Ավելացնենք, որ Արթուր Պետրոսյանի հետ մեկտեղ Հայաստանի հավաքականի մարզչական շտաբում աշխատելու են մեր հավաքականի նախկին ֆուտբոլիստներ Ռազմիկ Գրիգորյանն ու Սարգիս Հովհաննիսյանը: Վերջինս համատեղելու է իր աշխատանքը Մոսկվայի «Լոկոմոտիվի» հետ:
Մեզ մնում է սպասել ընդամենը մի քանի օր՝ Արթուր Պետրոսյանի փոփոխությունների առաջին նշանները մեր հավաքականի խաղում տեսնելու համար:
Ընդ որում, նոյեմբերի 11-ի մեր մրցակցի մասին խոսելիս Արթուր Պետրոսյանը նշեց, որ շատ ուժեղ թիմ է և Հայաստանի ընտրանուն հեշտ խաղ չի սպասվում: Ինչպես ասում են ՝ սխլաների վրա սովորում ենք:
