ԵՐԵՎԱՆ, 3 նոյեմբերի — Sputnik. «Հարավկովկասյան երկաթուղի» փակ բաժնետիրական ընկերությունը վարոդներին զգուշացնում է, որ նոյեմբերի 6-ին, ժամը 0:00-ից մինչև 6:00-ն Նորագավիթի 1-ին փողոցի երկաթուղային գծանցը փակ կլինի։
Ընկերության հաղորդագրության համաձայն` այդ ընթացքում գծանցում վերանորոգման աշխատանքներ են իրականացվելու։
«Հարավկովկասյան երկաթուղին» հայցում է վարորդների ներողամտությունը:
«ՀԿԵ» ՓԲԸ-ն հանդիսանում է «Ռուսական երկաթուղիներ» ԲԲԸ-ի դուստր ընկերություն և իրականացնում է Հայաստանի երկաթուղային համակարգի կոնցեսիոն կառավարումը: Համաձայն 2008 թ. փետրվարի 13-ին Երևանում կնքված պայմանագրի՝ կոնցեսիոն կառավարման ժամկետը կազմում է 30 տարի՝ կողմերի փոխադարձ համաձայնությամբ ևս 10 տարի երկարացման իրավունքով:
