«Հանս Քրիստիան Կոֆոեդ» հայ-դանիական բարեգործական հիմնադրամի ներկայացուցիչներն ամեն ամիս այցելում են Երևանի փողոցներում ապրող մարդկանց, ծանոթանում նրանց հետ, փորձում համոզել, որ տեղափոխվեն անօթևանների համար նախատեսված կացարան:
Նրանց մեծ մասն արդեն սովորել է փողոցային կենցաղին, շատերը մտերմացել են իրար հետ, ու ոչ բոլորն են համաձայնվում տեղափոխվել կացարան, որտեղ նրանց տաք ջուր, հագուստ ու սնունդ է տրամադրվում:
Կազմակերպության ներկայացուցիչները նրանցից շատերին գտնում են հոտով, որը տարածվում է մի քանի տասնյակ մետր, ոմանց էլ երկար փնտրելու կարիք չկա, որովհետև իրենց սիրած վայրերն ունեն: Sputnik Արմենիայի թղթակիցները նույնպես այցելեցին Երևանի փողոցներում ապրող անօթևաններին:
