Արյունաբանական հիվանդությունների բուժման արդյունավետության համար կարևոր դեր ունեն 7 մահճակալով (4 մեծահասակի և 3 մանկական) Ոսկրածուծի փոխպատվաստման բաժանմունքը, ինչպես նաև տարածաշրջանում եզակի, միջազգային ISO և JACIE չափանիշներին համապատասխանող Ցողունային բջիջների լաբորատորիան, ինչի արդյունքում մի շարք արյան հիվանդությունների բուժման «ոսկե ստանդարտ» համարվող ոսկրածուծի փոխպատվաստումը հասանելի կդառնա նաև ՀՀ քաղաքացիներին:
Վերազինված արյունաբանական կենտրոնի բացումը տեղի կունենա նոյեմբերի 8-ին։ Մինչ այդ առաջին տիկին Ռիտա Սարգսյանը շրջայց կատարեց կենտրոնում և լրատվամիջոցներին ցուցադրեց հին ու նոր`սար ու ձորի տարբերությամբ շենքերը։ Հին մասնաշենքը կծառայի որպես արյան բանկ։
