Տաղանդավոր դերասանի գանձարանում հարյուրավոր ֆիլմեր կան։ Ալեն Դելոնը նաև գրել է 10 սցենար և զբաղվել 3 ֆիլմի ռեժիսուրայով։
Իր առաջին որդու՝ Քրիստիանի, հայրությունը Դելոնն այդպես էլ չճանաչեց, և նրան դաստիարակեցին մայրը ու խորթ հայրը, որը Քրիստիանին տվեց իր ազգանունը՝ Բուլոն։ Հիմա նա 54 տարեկան է, իսկ ընդհանրապես, Ալեն Դելոնը չորս երեխա ունի. 52-ամյա որդին՝ Էնթոնը, երկորդ կնոջից՝ Նատալիից, 25-ամյա Անուշկան՝ Ռոզալի Վան Բրեմենից և 22-ամյա Ալենը՝ Ֆաբյեն Դելոնից։ Նրենք բոլորը այս կամ այն կերպ առնչվում են դերասանի մասնագիտությանը։
2/8
© PIERRE ANDRIEU / AFP
Ինքնուս դերասան Դելոնին կարիերայի ընթացքում օգնել է նրա հմայիչ արտաքինը։ Շատերը նրան համարում են տղամարդու իդեալական գեղեցկության կրող։ Կարելի էր կարծել՝ դա անվիճելի փաստ է ու անպարտելի խաղաքարտ, բայց հիմա դժվար է հավատալ, որ հենց արտաքինն է խանգարել նրան կարիերայի սկզբում։ «Դուք շատ գեղեցիկ եք, Ձեր կարիերան չի հաջողվի», -ասել են նրան պրոդյուսերները կարիերան սկսելիս։
Դելոնն ասում էր. «Ինձ միշտ հուզում են անօթևանների կողքին կանգնած շները։ Նրանց համար միևնույն է, որ տերն անօթևան է։ Նրանք սիրում են մարդուն՝ ինչպես հորը, այնպես, ինչպես լաբրադորը սիրում էր Միտերանին՝ չիմանալով, որ նա երկրի նախագահն է»։
Դժվար չէ կռահել, որ Դելոնը մեծ սրտակեր էր, նա շատ կանայք է ունեցել, որոնց թվում էր ֆրանսիացի դերասանուհի Նատալի Բարտելեմին, որը դարձավ Դելոնի երկրորդ կինը Ռոմիի հետ նրա բաժանվելուց հետո և երկրորդ որդուն պարգևեց դերասանին։ Դելոնը նաև 13 տարի քաղաքացիական ամուսնությամբ ապրեց դերասանուհի Միրեյ Դարկի հետ։ Դերասանի կյանքի հայտնի կանանցից է եղել նաև երգչուհի Դալիդան։
5/8
© ARCHIVE / AFP
Ալեն Դելոնի խոստովանությամբ, նա չէր երազում դերասան դառնալ։ Պատանեկության տարիներին մսագործություն է սովորում և մտադիր էր շարունակել խորթ հոր մասնագիտությունը։ Դպրոցական տարիքում Ալենը լավ վարքով և կարգապահությամբ աչքի չէր ընկնում, նրան պարբերաբար հեռացնում էին տարբեր դպրոցներից և պանսիոններից։ 1953 թվականին 18-ամյա Դելոնը, թողնելով աշխատանքը Փարիզում, հայտնվեց ծովային հետևազորի օդապարիկա-դեսանտային զորքերի կորպուսի շարքերում և մասնակցեց Հնդկաչինի պատերամզին։
6/8
© MICHEL GANGNE / AFP
Դելոնի երկրորդ քաղաքացիական կինը մանեկենուհի Ռոզալի Վան Բրեմենն էր, որը նրան երկու զավակ պարգևեց, սակայն 1997 թվականին լքեց Դելոնին, ինչպես ժամանակին Դելոնն էր թողել Ռոմի Շնայդերին։ Ռոզալին լքեց ծերացող դերասանին և ամուսնացավ նրա ֆինանսական գործընկերոջ հետ։
7/8
© STF / AFP
Դելոնին ու Շնայդերին աշխարհի ամենագեղեցիկ աստղային զույգն էին համարում, սակայն նրանք այդպես էլ չամուսնացան։ Զույգը միասին էր ընդհամենը 6 տարի։ Դելոնի ընկերների կարծիքով, ոչ ոք նրան այդքան շատ չէր սիրում, որքան Ռոմին։ 1982 թվականի մայիսի 28-ի լույս 29-ի գիշերը ավստրիացի դերասանուհու սիրտը չդիմացավ մշտական լարվածությանը։ Ռոմի Շնայդերը մադացավ 44 տարեկան հասակում իր փարիզյան բնակարանում։ Նրա հուղարկավորման կազմակերպումն իր վրա վերցրեց ոչ այլ ոք, քան Ալեն Դելոնը։ Վերջին պահին Դելոնը դագաղի մեջ դրեց նույն տիպի կարմիր վարդերի փունջ, որը նա նվիրել էր դերասանուհուն իրենց առաջին հանդիպման ժամանակ։
8/8
© BERTRAND GUAY / AFP
Ալենն այժմ միայնակ է։ Նա ապրում է շների ընկերակցությամբ։ Դուշիում նրա տանը շների դամբարան կա, որտեղ թաղված է նրա շներից ավելի քան 35–ը։ Դելոնի կտակի համաձայն, իր մահից հետո նրա մարմինը ևս կթաղվի նույն վայրում:
