Կինը փորձել է գաղութ մտցնել լավաշի մեջ փաթաթած հեռախոսը

© www.tarasmulticulturaltable.comлаваш
лаваш - Sputnik Արմենիա
Բաժանորդագրվեք
НовостиTelegram
Հնարամիտ կինը գաղութում արգելված իրը թաքցրել է լավաշի մեջ, սակայն իրավապահ մարմինները հայտնաբերել են այն և ձերբակալել կնոջը։

ԵՐԵՎԱՆ, 9 նոյեմբերի — Sputnik. Ռուսական Սոկոլ քաղաքի գաղութում ձերբակալել են ուղղիչ հաստատության տարածքում գործող «Պրոմսերվիս» խանութի վաճառողուհուն` իրեղեն ապացույցով։ Կինը փորձել է անվտանգության ծառայողների հսկողությունից գաղտնի բջջային հեռախոս անցկացնել գաղութի տարածք` նախապես այն փաթաթելով հայկական լավաշի մեջ, գրում է Վոլոգոդսկի շրջանի առցանց թերթը։

Իրավախախտի խոսքով` ինքը դա արել է մեղքի զգացումից ելնելով. «դատապարտյալներից մեկը շատ էր խնդրում իրեն օգնել կապվելու հարազատների հետ»։

«Իր գումարով կինը բջջային հեռախոս է ձեռք բերել և անշահախնդիր որոշել փոխանցել այն բանտարկյալին։ Փոխանցումը պետք է տեղի ունենար կնոջ աշխատավայրում` գաղութի խանութում», — հայտնում է պատժի իրականացման դաշնային ծառայության վարչության մամուլի ծառայությունը։

Այժմ կինը 3-5 հազար ռուբլի տուգանք կվճարի, իսկ հեռախոսը կառգրավվի։ Նրա անշահախնդիր «օգնությունը» խիստ կասկած է հարուցում իրավապահների մոտ։

Լրահոս
0