ԵՐԵՎԱՆ, 18 նոյեմբերի — Sputnik. ՀԱԿ խմբակցության պատգամավոր Արամ Մանուկյանը լրագրողներին խոստովանեց, որ Pink Floyd-ի երաժշտությունն օգնում է հանգստանալ ու մաքրվել Ազգային ժողովում տիրող մթնոլորտից։
«Սովորեք լսել Pink Floyd, որովհետև այն Նարեկացու նման բան է, պիտի բարձր ճաշակ ունենաս, հեշտ բան չէ», — ասաց Մանուկյանը։
Եթե լավ երաժշտություն չլսես, ըստ Մանուկյանի` կընկղմվես ռաբիսի մեջ։
«Ականջներդ ուզում ես բարձր երաժշտությամբ մաքրես, շփվես նորմալ մարդկանց հետ, նորմալ բաներ կարդաս, թե չէ կընկղմվես էդ ռաբիսի մեջ», — նշեց Արամ Մանուկյանը՝ հորդորելով հաճախ ինքնամաքրվել:
Պատգամավորը նաև լրագրողներին խորհուրդ տվեց Pink Floyd լսել։
Pink Floyd —ն բրիտանական աշխարհահռչակ ռոք խումբ է։ Հայտնի է իր ստեղծագործություններում շոշափվող փիլիսոփայական և կոնցեպտուալ թեմաներով, ձայնային և լուսատեսողական էքսպերիմենտներով ու շքեղ համերգներով։ Հիմնադրվել է 1966 թվականին, վերջին ալբոմը՝ The Endless River, թողարկվել է 2014 թվականին։
