ԵՐԵՎԱՆ, 18 նոյեմբերի — Sputnik. Ս. Թադեոս և Ս. Բարդուղիմեոս առաքյալների տոնի օրը` դեկտեմբերի 3-ին, Սուրբ Գեղարդը կբերվի Մայր Տաճար, հայտնում են Մայր Աթոռի տեղեկատվական համակարգից։
2015 թվականին Ամենայն Հայոց Գարեգին Բ Կաթողիկոսի Հայրապետական սրբատառ կոնդակով Հայոց Եկեղեցու հիմնադիրներ Ս. Թադեոս և Ս. Բարդուղիմեոս առաքյալների տոնը հռչակվել է Աստվածամուխ Սուրբ Գեղարդի ուխտի օր` ի գոհացումն բարեպաշտ հայորդյաց և օտարազգի ուխտավորների:
Այդ օրը Մայր Աթոռը բոլորին հրավիրում Սուրբ Էջմիածին՝ մասնակցելու Հայոց առաջին լուսավորիչներ Ս. Թադեոս և Ս. Բարդուղիմեոս առաքյալների տոնի առիթով մատուցվող սուրբ և անմահ Պատարագին և ստանալու հրաշագործ Ս. Գեղարդից բաշխվող օրհնությունն ու շնորհները:
Ս. Գեղարդը Մայր Տաճարում կմնա մինչև նույն օրվա ուշ երեկո:
