ԵՐԵՎԱՆ, 21 նոյեմբերի — Sputnik. Նոյեմբերի 19-20-ը տեղի ունեցավ Հայաստանի Կիոկուշին կարատեի ֆեդերացիայի 11-րդ բաց առաջնությունը, հայտնում են ֆեդերացիայից:
11-րդ բաց առաջնությանը մասնակցեց 500 մարզիկ Իրանից, Վրաստանից, Լիբանանից, Ռուսաստանից, Արցախից: Մենամարտեցին պատանիներ, տղամարդիկ ու կանայք:
Հովհաննես Սարգսյանն ու Նարեկ Աբոյանը ճանաչվեցին առաջնության լավագույն մարզիկներ, իսկ Արծրուն Միսակյանը
լավագույնը ճանաչվեց «Կատա» մրցաձևում:
Հայ մարզիկներն ընդհանուր առմամբ բարձր արդյունքներ ցույց տվեցին, մասնավորապես, 1-ին տեղ գրավեց 16 մարզիկ, 2-րդ տեղ` 13 և 3-րդ տեղ` 14 մարզիկ: Հատկանշական է, որ թեթև, միջին և ծանր քաշային կարգերում մարզիկները հիմնականում ներկայացրել են Հայաստանի Հանրապետությունը:
Առաջնության հաղթողները արտասահման մրցելույթների կմեկնեն անվճար:
