Կարեն Կարապետյանը կմնա վարչապետի պաշտոնում

© Sputnik / Asatur YesayantsКарен Карапетян и Виген Саргсян на XVI съезде РПА
Карен Карапетян и Виген Саргсян на XVI съезде РПА - Sputnik Արմենիա
Բաժանորդագրվեք
Yandex newsTelegram
ՀՀԿ-ին անդամակցած վարչապետ Կարեն Կարապետյանն ապրիլից հետո էլ կշարունակի պաշտոնավարել ՀՀ վարչապետի պաշտոնում: Այդ մասին այսօր երկրի բարձրագույն իշխանության ամբիոնից հայտարարվեց ՀՀԿ 16-րդ համագումարի ժամանակ:

ԵՐԵՎԱՆ, 26 նոյեմբերի — Sputnik. ՀՀԿ նախագահ Սերժ Սարգսյանն այսօր ՀՀԿ 16-րդ համագումարում իր ելույթի ընթացքում անդրադարձավ հանրությանը հետաքրքրող հարցին՝ արդյո՞ք Կարեն Կարապետյանը Հայաստան էր եկել և ստանձնել երկրի գործադիր իշխանության ղեկավարումն ընդամենը 6 ամսով: Պարզվեց՝ ոչ:

«Գալիք ընտրություններում վստահության քվե ստանալու պարագայում մեր կառավարությունը կրկին կգլխավորի վարչապետ Կարեն Կարապետյանը՝ շարունակելով իրագործել արդեն իսկ նախանշած ծրագիրը»,- ՀՀԿ համագումարում հայտարարեց Սերժ Սարգսյանը:

Карен Карапетян на XVI съезд РПА - Sputnik Արմենիա
Վարչապետը ողջունում է «Գազպրոմ Արմենիայի» հանրապետականացումը

Համագումարին ներկա Արդարադատության նախարար Արփինե Հովհաննիսյանից հետաքրքրվեցինք, թե արդյո՞ք իրավական տեսակետից Կարեն Կարապետյանը կկարողանա պաշտոնավարել նաև 2018 թ.-ից հետո, երբ ուժի մեջ կմտնի նոր Սահմանադրությունը, որի համաձայն, խորհրդարանական ընտրություններին կարող է մասնակցել միայն վերջին 4 տարիներին ՀՀ-ում մշտապես բնակված անձը:

«Ես չէ, որ պիտի գնահատեմ դա, կա իրավասու մարմին, որտեղ ՀՀԿ-ն և մյուս կուսակցությունները պետք է ներկայացնեն իրենց ցուցակները: Այդ ցուցակները պետք է համապատասխանեն այն պահանջներին, որոնք Սահմանադրությամբ ամրագրված են: Բնականաբար, իրավասու մարմինը կգնահատի բոլոր չափորոշիչները, պահանջները, որոնք տվյալ դեպքում՝ պատգամավորի, նախարարի կամ վարչապետի համար տրված են»,- ասաց Արփինե Հովհաննիսյանը՝ չբացահայտելով 2018թ-ից հետո վարչապետի անձի շուրջ առկա ինտրիգը:

Լրահոս
0