ԵՐԵՎԱՆ, 14 դեկտեմբերի — Sputik. Ճանապարհային ոստիկանությունը տեղեկացնում է, որ տեղացող առատ ձյան և տեսանելիության բացակայության պատճառով այս պահին փակ է Երևան-Գյումրի ավտոճանապարհի Լանջիկի հատվածը:
Հաղորդագրության համաձայն` տեղացող առատ ձյան և տեսանելիության բացակայության պատճառով այս պահին Երևան-Դիլիջան ավտոճանապարհը՝ մինչև Դիլիջանի թունելի սկիզբ, դարձել է դժվարանցանելի և դադարեցված է երթևեկությունը բեռնատար ավտոմեքենաների համար:
«Վարորդներին խնդրում ենք ձեռնպահ մնալ նշված ճանապարհահատվածով երթևեկելուց»,- նշված է հայտարարության մեջ:
Ավելի վաղ ՀՀ ԱԻՆ-ը հայտնել էր, որ Ստեփանծմինդա-Լարս ավտոճանապարհը նույնպես փակ է բոլոր տեսակի ավտոմեքենաների համար:
