ԵՐԵՎԱՆ, 15 դեկտեմբերի — Sputnik. Կառավարությունը հերթական նիստը սկսել է մեկ րոպե լռությամբ։ Կառավարության անդամները ոտքի կանգնեցին և մեկ րոպե լռությամբ հարգեցին արտակարգ իրավիճակների նախարար Արմեն Երիցյանի հիշատակը։
«Մեր գործընկերը վաղաժամ հեռացավ կյանքից»,-ասաց վարչապետ Կարեն Կարապետյանը։
Արտակարգ իրավիճակների նախարար Արմեն Երիցյանին առողջական ծանր վիճակով դեկտեմբերի 13-ին տարել էին «Նաիրի» բուժկենտրոն, որտեղ մի քանի ժամ անց նա մահացել է։
Արմեն Երիցյանի հոգեհանգստի արարողությունը տեղի կունենա այսօր ժամը 18:00-ին, Նոր Նորքի Սուրբ Սարգիս եկեղեցում (Նոր Նորքի 5-րդ զանգված): Վերջին հրաժեշտի արարողությունը տեղի կունենա դեկտեմբերի 16-ին, ժամը 11:30-12:45-ը, Կարեն Դեմիրճյանի անվան մարզահամերգային համալիրում, հուղարկավորությունը` Երևանի քաղաքային պանթեոնում:
