ԵՐԵՎԱՆ, 16 դեկտեմբերի — Sputnik. Ռեժիսոր Անդրեյ Կոնչալովկսու «Դրախտ» ֆիլմը «լավագույն օտարալեզու ֆիլմ» անվանակարգում ներառվել է «Օսկար» մրցանակի կարճ ցանկում: Այս մասին նշված է ամերիկյան կինոակադեմիայի կայքում:
Երկար ցանկում ընդգրկված 85 ֆիլմից ընդամենը 10-ն են ներառվել կարճ ցուցակում: Ռուսաստանի ներկայացրած ֆիլմից բացի, ցանկում են նաև Ավստրալիայի, Կանադայի, Դանիայի, Գերմանիայի, Իրանի, Նորվեգիայի, Շվեդիայի և Շվեյցարիայի ներկայացրած ֆիլմերը:
Կոնչալովսկու «Դրախտը» պատմում է այն մարդկանց մասին, որոնց ճակատագրերը խաչվել են Երկրորդ համաշխարհայինի ժամանակ: Գլխավոր դերերում հանդես են գալիս Յուլիա Վիսոցկայան, Քրիստիան Քլաուսը և Ֆիլիպ Դյուկեն:
Ֆիլմի պրեմիերան կայացել է Վենետիկի 73-րդ կինոփառատոնում, որտեղ «Արծաթե առյուծ» մրցանակի է արժանացել:
