ԵՐԵՎԱՆ, 22 դեկտեմբերի — Sputnik. Հայտնի ծովանկարիչ Հովհաննես Այվազովսկու ավելի քան 200 կտավ ներկայացվեց Սանկտ-Պետերբուրգի ռուսական թանգարանում կազմակերպած ցուցահանդեսին։
Ինչպես գրում են ԶԼՄ-ները, ցուցահանդեսի բացումից 1 ժամ 40 րոպե առաջ արդեն հերթ էր գոյացել թանգարանի մոտ։
Ցուցանմուշները բերվել էին Մոսկվայի Տրետյակովյան պատկերասրահից, ուր այցելել է շուրջ 600 հազար մարդ։ Ցուցահանդեսին ներկայացվել են նաև Մոսկվայից, Թեոդոսիայից, Նյու Յորքից, Պավլովսկից, Ցարսկոյե Սելոյից և Պետերգոֆից բերված կտավներ։
Ցուցահանդեսի մթնոլորտը լրացնում են ռազմածովային իրերը` կայսերական դրոշակը, նավի ծայրամասի համար նախատեսված իրական լապտեր և թնդանոթներ, առագաստներ, դրոշներ, խարիսխներ։
Ինչպես ցուցահանդեսի բացմանը պատմեց գիտական աշխատանքի գծով ռուսական թանգարանի տնօրենի տեղակալ Եվգենիա Պետրովան, Պետրեբուրգի ցուցահանդեսը հուլիսի 29-ից նոյեմբերի 20-ը Տրետյակովյան պատկերասրահում անցկացրած ցուցահանդեսից տարբերվում է ցուցանմուշներով։
Հովհաննես Այվազովսկու ծննդյան 200-ամյա հոբելյանին նվիրված ցուցահանդեսը Ռուսական թանգարանում կմնա մինչև 2017 թվականի մարտի 20-ը։
