ԵՐԵՎԱՆ, 22 դեկտեմբերի — Sputnik. 92-ամյա երգիչ Շառլ Ազնավուրն իր երգերի արտասովոր ոճի համար հույն բանաստեղծ սյուրռեալիստ Նիկոս Գաթսոսի անվան մրցանակի է արժանացել։ Այս մասին նշված է երգչի ֆեյսբուքյան էջում։
Ֆրանսիական Le Parisien-ը գրում է, որ ժյուրին որոշել է Ազնավուրին շնորհել այդ մրցանակը, քանի որ նրա ավելի քան 800 ստեղծագործությունները ոչ սովորական ոճով են գրված։ Մրցանակի հանձնման արարողությունը տեղի է ունեցել Փարիզում Հունաստանի դեսպանատանը։ Ներկա է եղել նաև Հայաստանի դեսպան Վիգեն Չիտեչյանը։
Գաթսոսի անվան մրցանակը շնորհվում է 2012 թվականից։ Ժամանակին այս մրցանակին են արժանացել նաև Սերժ Լաման և Գի Բեարը։
Նյութի ռուսերեն տարբերակը
