ԵՐԵՎԱՆ, 1 հունվարի — Sputnik. «Մանչեսթեր Յունայթեդի» գլխավոր մարզիչ Ժոզե Մոուրինյուն ակումբի հարձակվող Անտոնի Մարսյալին կոչ է արել հետևել իր գործընկեր Հենրիխ Մխիթարյանին օրինակին և լսել նրա խորհուրդները, գրված է «Մանչեսթեր Յունայթեդ»-ի կայքում:
Մոուրինյուն համոզված է, որ ակումբի 21-ամյա հարձակվող Անտոնի Մարսյալը պետք է լսի նրան, այլ ոչ թե իր գործակալին, եթե ցանկանում է առաջընթաց ունենալ: Ֆրանսիացի հարձակվողի գործակալը վերջերս հայտարարել էր, որ նրան «Սևիլյա» ուղարկելու «տարբերակ է փնտրում»:
Մարսյալը դարձավ «Մանչեսթեր Յունայթեդի» ռմբարկու անցյալ խաղաշրջանին` 17 գոլի հեղինակ դառնալով, սակայն «Բորոյի» հետ խաղում նրա գոլը դարձավ ֆրանսիացու միայն հինգերորդ գնդակը, որը դարպասն էր ուղարկել այս խաղաշրջանում:
«Նա հրաշալի որակներ ունեցող խաղացող է և կարող է դառնալ թոփ-ֆուտբոլիստ: Մարսյալը խաղում էր, նա կերտում էր, նա գոլի հեղինակ դարձավ, նա պայքարում էր: Գիտեմ, որ նա մեր գլխավոր տաղանդներից մեկն է»,- մեջբերվում է «Մանչեսթեր Յունայթեդի» գլխավոր մարզչի խոսքերը:
Ընդ որում, Մոուրինյուն կոչ է արել Մարսյալին՝ հետևել թիմի գործընկեր Հենրիխ Մխիթարյանի օրինակին, որը վաստակել է մարզչի վստահությունը և արդեն երեք գոլի հեղինակ դարձել թիմի վերջին չորս խաղի ընթացքում:
«Ես գիտեի, որ Մխիթարյանը ամենատաղանդավոր ֆուտբոլիստներից մեկն է, բայց ամեն դեպքում, չէի շտապում նրան մարզադաշտ թողնել: Այժմ Հենրիխը կարող է խաղալ նույնիսկ ձախ պաշտպանի դիրքում, եթե թիմը հաղթում է, մենք պետք է ավելի շատ պաշտպանվենք և թիմում պետք է հավասարակշռություն լինի», — ասել է Մոուրինյուն:
«Մարսյալը պետք է լսի ինձ, ոչ թե իր գործակալին: Նա պետք է ամեն օր լսի ինձ մարզումների ժամանակ, և հետևի խորհուրդներիս՝ խաղը լավացնելու համար: Մխիթարյանի ադապտացման գործընթացը ես վերահսկում էի գրեթե ամեն օր: Նրա գործակալը զանգահարում էր ինձ և ասում. «Ձեզ հետ Հենրիխը առաջընթաց կապրի, շարունակեք աշխատել»: Իսկ Մարսյալի հետ իրավիճակում ես թերթերում միայն կարդում եմ. «Մարսյալը մեկնում է «Սևիլյա», «Մարսյալին վարձակալում են», «Մարսյալը երջանիկ չէ»: Անտոնի, ինձ լսել է պետք»,- պարբերականը մեջբերում է «ՄՅ» մարզչի խոսքերը:
Մխիթարյանը 2016 ամռանը Դորտմունդի «Բորուսիայից», որի կազմում խաղում էր 2013 թվականից, տեղափոխվեց «Մանչեսթեր Յունայթեդ»` կնքելով չորս տարվա պայմանագիր մեկ տարի երկարաձգելու հնարավորությամբ: Կիսապաշտպանի տրանսֆերի համար ակումբը 42 մլն եվրո է վճարել:
Նյութի ռուսերեն տարբերակը
