Արմեն Սմբատյան. թեկնածուին տեղեկանք տրամադրելու մասին
«Ոստիկանության անձնագրերի և վիզաների վարչությունը թեկնածուին տրամադրում է տեղեկանք այն մասին, որ նա բավարարում է չափանիշներին: Ե՛վ քաղաքացիության, և՛ բնակության մասին տեղեկանքը տրամադրում է ոստիկանությունը: Ընտրական համակարգը պարզապես ստուգում է՝ տրվե՞լ է այդ տեղեկանքը ոստիկանության կողմից, թե՞ ոչ»,-ասում է Սմբատյանը:
ԿԸՀ քարտուղարի խոսքով՝ ընտրական օրենսգիրքը միտված է նոր որակի ընտրություն անցկացնելուն, և Կենտրոնական ընտրական հանձնաժողովն՝ իր ամբողջ ներուժով, լծված է այդ գործին, որպեսզի ընտրությունների վերաբերյալ առկա պատկերացումները փոխվեն և՛ հասարակության, և՛ կուսակցությունների, և՛ միջազգային հանրության մոտ:
