Նա խորհուրդ տվեց համբերել ևս մի քանի օր և քաղաքական հիմնական վերադասավորումներն արդեն պարզ կլինեն, հայտնի կլինի նաև, թե որ քաղաքական ուժն ինչ հայտ է ներկայացնում։ Նա խնդրեց նաև չանհանգստանալ ՀՀԿ-ի համար։
«Մենք շատ հանգիստ ենք և ողջունում ենք բոլորին, ովքեր հայտ են ներկայացնում քաղաքական դաշտում»,- ասաց Բաղդասարյանը։
Անդրադառնալով այն հանգամանքին, որ երբ Գագիկ Ծառուկյանը որոշեց հեռանալ քաղաքականությունից, ՀՀԿ-ի որոշ ներկայացուցիչներ շատ սուր արձագանքեցին այդ փաստին` Վահրամ Բաղդասարյանը նշեց, որ տարբեր ժամանակներում տարբեր մոտեցումներ են լինում։
«Մենք անցյալին չենք անդրադառնում։ Նախկինում Գագիկ Ծառուկյանն այլ հայտարարություններով էր ներկայանում, իսկ այժմ նա սահմանադրական ճանապարհով է հայտ ներկայացրել ԱԺ ընտրություններին մասնակցելու համար»,- ասաց Բաղդասարյանը։
