Հովիկ Աբրահամյանի դիմումը կքննարկվի ՀՀԿ խորհրդի նիստում

© Sputnik / Asatur Yesayants / XVI съезд РПА. Бывший премьер-министр Армении Овик Абраамян
XVI съезд РПА. Бывший премьер-министр Армении Овик Абраамян - Sputnik Արմենիա
Բաժանորդագրվեք
НовостиTelegram
Հովիկ Աբրահամյանը պատրաստվում է դուրս գալ ՀՀԿ-ից, սակայն կուսակցության գրասենյակն առայժմ դիմում չի ստացել Աբրահամյանից։ Նրա դիմումը կարող է քննարկվել ՀՀԿ խորհրդի առաջիկա նիստում:

ԵՐԵՎԱՆ, 24 հունվարի – Sputnik. ՀՀ նախկին վարչապետ Հովիկ Աբրահամյանի` ՀՀԿ-ից դուրս գալու մասին դիմումը ՀՀԿ գրասենյակը դեռ չի ստացել: Այս մասին Sputnik Արմենիային հայտնեց ՀՀԿ կազմակերպչական հանձնաժողովի նախագահ Ռուբեն Թադևոսյանը:

Մեր հարցին, թե սպասու՞մ են արդյոք այդ դիմումին, Ռուբեն Թադևոսյանը պատասխանեց.

«Դե, եթե ինքը հայտարարել է, որ դուրս է գալիս, ապա, իհարկե, պիտի սպասենք»:

Իսկ թե «ինչպես են կուսակցությունում վերաբերվում ՀՀԿ նախկին փոխնախագահի այդ որոշմանը» հարցին, Ռուբեն Թադևոսյանը պատասխանեց, որ քննարկում առայժմ չի եղել, սպասում են դիմումին:

Ի դեպ, եթե առաջիկա օրերին Հովիկ Աբրահամյանի դիմումը հասնի կուսակցության գրասենյակ, Ռուբեն Թադևոսյանը չբացառեց, որ այդ հարցը քննարկման առարկա կդառնա առաջիկա հինգշաբթի օրը, հունվարի 26-ին նախանշված ՀՀԿ խորհրդի նիստում:

Լրահոս
0