ԵՐԵՎԱՆ, 27 հունվարի — Sputnik. Հայ զինծառայողների կոշիկներն ապագայում կարող են մուտք գործել «քաղաքացիական» շուկա, ասաց ՀՀ պաշտպանության նախարար Վիգեն Սարգսյանը։
«Մենք միշտ կոշիկի արտադրության հիանալի ավանդույթներ ենք ունեցել և ես ուզում եմ, որպեսզի հայ զինվորների կոշիկները դառնան համաշխարհային բրենդ։ Ցանկանում եմ, որ դրանք հարմար և մատչելի լինեն, և այն կրեն ոչ միայն զինծառայողները, այլ նաև քաղաքացիական անձինք»,- ասաց Սարգսյանը։
Նրա խոսքով` հայ զինծառայողների համազգեստը մշտապես «էվոլյուցիայի» է ենթարկվում, և ներկա մոդելը զգալիորեն տարբերվում է առաջին նմուշներից։
Վերջին նմուշի զինվորական կոշիկները կարելիս ավելի շատ կաշի է օգտագործվելու, որի շնորհիվ դրանք ավելի հարմարավետ կդառնան, սակայն ՊՆ-ը չի սահմանափակվի դրանով։ Մինչև տարեվերջ նախատեսվում է ստեղծել նոր, ավելի հարմարավետ մոդել։
