ԵՐԵՎԱՆ, 3 փետրվարի — Sputnik. Թուրքիայի հայ համայնքն իր մտահոգությունն է հայտնում. Հայոց պատրիարքի ընտրությունները Թուրքիայի նախագահի հետաքրքրության շրջանակներից դուրս են։ Իսկ հայ համայնքը չի ցանկանում սպասել մինչև հանրաքվե: Այս մասին գրում է «Ակօս» պարբերականը։
Հանդիպումից հետո հայ համայնքի բազմաթիվ ներկայացուցիչներ դժգոհել են՝ փաստելով, որ Շիրինօղլուն հայ համայնքի անունից հայտարարություններ անելու և պատրիարքի ընտրությունների վերաբերյալ հանդիպումներ անցկացնելու հարցում իրավասու անձ չէ:
Հիշեցնենք, որ հունվարի 18-ին, Անկարայում գտնվող նախագահական նստավայրում անցկացված հանդիպման ժամանակ Շիրինօղլուն բարձրացրել է նաև Պոլսո Հայոց նոր պատրիարքի ընտրության հարցը։ Էրդողանը խոստացել էր գարնանը սահմանադրական փոփոխությունների վերաբերյալ հանրաքվեի ավարտից հետո անդրադառնալ այդ խնդրին:
Նշենք, որ Պոլսո Հայոց պատրիարք Մութաֆյանը կոմայի մեջ է գտնվում 2008թ.-ից: Նրա փոխարեն այդ լիազորությունները կատարում է արքեպիսկոպոս Արամ Աթեշյանը, որն ընտրված է ոչ թե համայնքի, այլ պետության կողմից:
Ստամբուլի հայ համայնքի ներկայացուցիչները երկար ժամանակ է պահանջում են կայացնել որոշում՝ ցանկանալով իրենց առաջնորդի դերում տեսնել ոչ թե պետության կողմից նշանակված, այլ իրենց կողմից ընտրված անձի:
