Թևան Պողոսյանի համոզմամբ` ՀՀ, ԼՂ և Ադրբեջանի հասարակություններն այսօր պատրաստ չեն ընդունել ԼՂ խաղաղ կարգավորման բանակցությունների արդյունքում ձեռք բերվելիք պայմանավորվածությունները:
«Ադրբեջանի հասարակությունն այսօր բացառապես ռազմական լուծման գաղափարի կրողն է: Հետևաբար, մեզ մնում է մի քանի սերունդ դիմանալ, մինչև որ կգա այն սերունդը, որը պատրաստ կլինի կիսել ինչպես ժողովրդավարական արժեքները, այնպես էլ ընկալումը, որ համագործակցությունն ավելի ճիշտ ուղի է, քան ռազմականը»,- ասում է Թևան Պողոսյանը:
Հայ հասարակությունն էլ, պատգամավորի համոզմամբ, չպիտի շտապի, այլ պետք է ընդունի մարտահրավերներն ու կարողանա հաջորդ սերունդներին փոխանցել հարցի լուծման համար առավել բարենպաստ իրավիճակ: «Այսօրվա դրությամբ պետք է մտածենք ոչ թե փոխզիջումների գնալու մասին, այլ պետք է համախմբվենք ու հետապնդենք միայն ու միայն հայկական շահերը»,- ասում է Պողոսյանը՝ միաժամանակ հավելելով, որ պատրաստ է համագործակցել այն քաղաքական ուժի հետ, ով կկիսի իր այդ տեսակետը:
