ԵՐԵՎԱՆ, 15 փետրվարի — Sputnik. Վիճակագրական տարբեր տվյալների ուսումնասիրությամբ զբաղվող Numbeo կազմակերպության անցկացրած հետազոտության համաձայն` Հայաստանն անվտանգության բարձր մակարդակ ունի։ Մեր երկիրն այդ առումով ընդգրկվել է անվտանգ երկրների ցանկի 19-րդ հորիզոնականում։
Ցուցակի առաջին տեղում Քաթարն է, տասնյակում են ընդգրկվել նաև Բելառուսը, Վրաստանը, Սինգապուրը, Ավստրիան, ԱՄԷ-ն և Վրաստանը։
Ռուսաստանը 67-րդ տեղում է, Իրանը` 83-րդ,Ղազախստանը` 72-րդ, Ուկրաինան` 85-րդ։
Ամենավտանգավոր երկիր է համարվել Վենեսուելան։ Վտանգավոր երկրների ցանկում են ներառվել նաև Նոր Գվինեան, Հոնդուրասը, Հարավային Սուդանը, Հարավաֆրիկյան Հանրապետությունը, Աֆղանստանը, Սալվադորը, Նիգերիան, Բրազիլիան։
Անվտանգության և հանցավորության ցուցիչը կազմվել է Numbeo կայքում անցկացված հարցախույզի հիման վրա։
