ՀՅԴ Բյուրոյի քաղաքական ներկայացուցիչ Արմեն Ռուստամյանը նշեց, որ ԱԺ առաջիկա ընտրությունները Հայաստանի համար բացառիկ նշանակություն ունեն:
Դաշնակցությունը դրանք իր որդեգրած բարեփոխումների իրականացման ճանապարհին նոր սկիզբ է համարում և ընտրությունների է գնում ՙՆոր սկիզբ, արդար Հայաստան՚ կարգախոսով:
«Մենք իսկապես նոր սկիզբ ենք տեսնում մեր երկրի համար՝ պայմանավորված այս ընտրություններով: Երկրում կուտակված դժգոհությունը հավերժ կմնա, եթե մենք չվերացնենք այն առաջացնող պատճառները»,- ասաց Ռուստամյանը: Իսկ պատճառները, նրա խոսքով, երկրում պահպանվող համակարգային արատներն են:
ՙԱնձինք են փոխվել, իշխանություններ են փոխվել, բայց իշխանության որակ չի փոխվել՚,- նշեց ՀՅԴ Բյուրոյի քաղաքական ներկայացուցիչը՝ հավելելով, որ նոր սկիզբ ասելով` ՀՅԴ-ն հասկանում է նոր որակի իշխանության ձևավորում:
