ԱԻՆ-ը զգուշացնում է. չքայլել սառած Սևանա լճի վրայով

© Sputnik / Asatur YesayantsОзеро Севан зимой
Озеро Севан зимой - Sputnik Արմենիա
Բաժանորդագրվեք
НовостиTelegram
ՀՀ արտակարգ իրավիճակների նախարարությունը տեղեկացնում է, որ Սևանա լիճը սառցակալել է և զգուշացնում է լճի վրա չքայլել, մեքենա չվարել, քանի որ սառցի շերտը բարակ է, կարող են անկանխատեսելի հետևանքներ լինել։

ԵՐԵՎԱՆ, 15 փետրվարի — Sputnik. Պայմանավորված 2017թ. եղանակային պայմանների առանձնահատկություններով՝ փետրվարի 3-ից Սևանում ձևավորվել է համատարած սառցածածկույթ, սառցի հաստությունը հասնում է 10-15 սմ, տեղեկացնում է ԱԻՆ-ը:

Սևանա լճի առաջին սառցային շերտերը ձևավորվում են ափի մոտ` սկսած նոյեմբերի սկզբից, սակայն լիճը համատարած սառույցով ծածկվում է ոչ միշտ:

Озеро Севан зимой - Sputnik Արմենիա
Սևանա լճի ձմեռային գեղեցկությունը

Բաց լճի վրա սառույցը առաջանում է հունվարի երկրորդ կեսից մինչև փետրվարի 15-ն ընկած ժամանակահատվածում: Վերջին տարիներին լճի ջրի դարավոր պաշարների օգտագործման պատճառով առաջին սառցային երևույթները 15-17 օր ավելի շուտ են սկսվում, քան այն ձևավորվում էր լճի բնական մակարդակի ժամանակ:

Երբ դեկտեմբեր-փետրվարին ընթացքում օդի միջին ջերմաստիճանը —5.6˚C-ից ցածր է, իսկ փետրվարին առանց քամի եղանակի տևողությունը կազմում է 100 ժամ և ավելի, ապա լճի վրա ձևավորվում է համատարած սառցածածկույթ, որից լիճն ազատվում է մարտի վերջերին-ապրիլի սկզբին:

Ըստ պատմական տվյալների դիտարկումների՝ ամենաշուտը Սևանա լիճը սառել է 2008թ. հունվարի 14-ին, իսկ ամենից ուշը՝ 1959թ. փետրվարի 28-ին, ընդ որում, ամենաերկար սառցածածկույթը պահպանվել է 1972թ.-ին` մոտ 85 օր, առավելագույն հաստությունը՝ 40-45սմ:

Озеро Севан зимой - Sputnik Արմենիա
Սևանա լճում կորած ձկնորսին դեռ չի հաջողվում գտնել

Ընդհանուր առմամբ, լճի համատարած սառցակալումը ունի դրական և բացասական կողմեր: Դրականն այն է, որ սառցածածկի պայմաններում գրեթե բացակայում է գոլորշացումը, որը փետրվարին օրական միջին հաշվով կազմում է 1,1 մլն խմ ջուր: Բացասական կողմերից է այն, որ լճի վրա առաջացած մակերևութային սառույցը խոչընդոտում է ջրում թթվածնի լուծունակությանը և պակասում է թթվածնի քանակությունը:

ՀՀ արտակարգ իրավիճակների նախարարությունը հորդորում է ափամերձ բնակավայրերի բնակիչներին՝ լճի վրայով չքայլել և ավտոմեքենա չվարել, քանի որ սառցածածկի հզորությունը մեծ չէ և կարող է հանգեցնել անկանխատեսելի հետևանքների:

Լրահոս
0