ԵՐԵՎԱՆ, 20 փետրվարի — Sputnik. Հյուսիսային Օսեթիայում կարող է բացվել «Վլադիկավկազ-Երևան» ավիաչվերթը։
Այս ուղղությամբ թռիչքներ իրականացնելը պարզապես անհրաժեշտություն է, քանի որ Օսեթիայում մոտավորապես 20 հազար հայ է բնակվում։
«Վլադիկավկազ-Երևան» ավիաչվերթ բացելու թեման քննարկել է Հայաստանի Հանրապետությունում Ռուս Ուղղափառ Եկեղեցու համայնքների կառավարիչ, Վլադիկավկազի և Ալանիայի Գերաշնորհ Լեոնիդ եպիսկոպոսը` Հայաստան կատարած այցի ժամանակ։
«Եպիսկոպոսը կարծում է, որ այդ չվերթը պահանջված է, քանի որ Օսեթիայում բնակվող հայերի թիվը հասնում է 20 հազարի»,- նշել են Վլադիկավկազի և Ալանիայի թեմի մամուլի ծառայությունից։
Բացի այդ, այս տարի Զատկի տոնին Հայաստանում Օսեթիայի մշակույթի օրեր կանցկացվեն։ Այս միջոցառումներն ավելի կմերձեցնեն ժողովուրդներին, որոնք մի քանի դար շարունակ ամուր կապեր են ունեցել։
