ԵՐԵՎԱՆ, 21 փետրվարի — Sputnik. Ավստրալիայի Մելբուրն քաղաքում փոքր ուղևորատար ինքնաթիռն ընկել է առևտրի կենտրոնի վրա: Մահացել են ինքնաթիռի օդաչուն ու ամերիկացի 4 ուղևորները։ Այս մասին հայտնում է ՌԻԱ Նովոստին` հղում անելով «Ասսոշյիեյթեդ պրեսս» գործակալությանը:
Նախնական վարկածով` վթարի պատճառը շարժիչի խափանում է եղել, որի հետևանքով, թռիչքուղուց դուրս գալուց անմիջապես հետո ինքնաթիռը մխրճվել է մոտակա առևտրի կենտրոնի մեջ: Ականատեսների վկայությամբ, հարվածի հետևանքով ինքնաթիռը պայթել է:
Վթարը տեղի է ունեցել վաղ առավոտյան, երբ առևտրի կենտրոնը դեռ փակ է եղել:
Ավստրալիայի իշխանությունների տվյալներով` ամերիկացիները մեկնել էին արձակուրդի և պատրաստվում էին գոլֆ խաղալ։
Ինքնաթիռն ընկել է առևտրի կենտրոնի վրա
© AAP/Joe Castro/via REUTERS
