ԵՐԵՎԱՆ, 22 փետրվարի — Sputnik. 64 կգ քաշային Հովհաննես Բաչկովը 2-րդ մենամարտում հաղթել է Ուկրաինայի ներկայացուցչին և դուրս եկել քառորդ եզրափակիչ:
69 կգ քաշային Վլադիմիր Մարգարյանը մեկնարկային մենամարտում առավելության է հասել ադրբեջանցու նկատմամբ և նույնպես ապահովել քառորդ եզրափակչի ուղեգիր: Այս մասին հայտնում է Հայաստանի բռնցքամարտի ֆեդերացիայի մամուլի ծառայությունը:
Պարտություն է կրել միայն 49 կգ քաշային Գասպար Բաբախանյանը:
Վաղը մրցաշարում կմեկնարկի 60 կգ քաշային Կարեն Տոնականյանը: Նա պայքարը կսկսի 1/8 եզրափակիչ փուլից:
