ԵՐԵՎԱՆ, 24 փետրվարի — Sputnik. ԱՄՆ մայրաքաղաքում կրակոցներ են հնչել։ Երկու ոստիկան վիրավորում է ստացել։ Այս մասին հաղորդում է ՌԻԱ Նովոստին` հղում տալով NBC հեռուստաընկերությանը։
Հեռուստաընկերության տվյալներով` կրակոցները հնչել են տեղական ժամանակով 22։40-ին, քաղաքի հյուսիս արևելյան հատվածում։ Պատահարի արդյունքում վիրավորված ոստիկաններից մեկի կյանքին վտանգ չի սպառնում, երկրորդին բժիշկները վիրահատում են։
Նշվում է, որ կրակոցներ արձակողը մեկուսացվել է։
Ոստիկանությունը պարզում է պատահարի հանգամանքները։
