ԵՐԵՎԱՆ, 27 փետրվարի — Sputnik. Երևանի ներքաղաքային 14 և 31 Ա համարի միկրոավտոբուսների աշխատանքի դադարեցումը պայմանավորված է երթուղին սպասարկող կազմակերպության կողմից սպասարկման իրավունքից հրաժարվելու պատճառով։ Այս մասին տեղեկացնում է Երևանի քաղաքապետարանի մամուլի ծառայությունը։
Միկրոավտոբուսային համար 14 երթուղին փոխարինվել է ավտոբուսային համար 10 երթուղով, որը կշահագործվի նույն ուղեգծով` Քանաքեռ ՀԷԿ-Նուբարաշենի խճուղի։
Միկրոավտոբուսային համար 31Ա երթուղուց օգտվող ուղևորների սպասարկումն ապահովելու նպատակով, մասնավորապես Աջափնյակ և Դավթաշեն վարչական շրջանների տարածքներում, մասնակիորեն փոփոխվել է ավտոբուսային համար 12 երթուղու ուղեգիծը, որը կշահագործվի հետևյալ ուղեգծով.
Աերացիա — Շիրակի — Արտաշիսյան փ.-ներ — Բագրատունյաց պ. — Սեբաստիայի — Գ.Հասրաթյան — Շիրազի-Մազմանյան- Բաշինջաղյան — Մարգարյան — Հալաբյան փ.-ներ — Եղվարդի խճ.- Սասնա Ծռերի- Տ. Պետրոսյան փ.-ներ — Դավթաշենի 4-րդ թաղ.- Եղվարդի խճ. — Զովունու 6-րդ, 38-րդ փ.-ներ- Եղվարդի խճ.- գ. Զովունի (վերջնականգառ): Հետադարձը` նույն ուղեգծով:
Նոր Նորքի 4-րդ, 5-րդ զանգվածների տրանսպորտային սպասարկումը բարելավելու և, մասնավորապես, զանգվածների կապը «Սբ. Գրիգոր Լուսավորիչ» բժշկական կենտրոնի հետ ապահովելու նպատակով ավտոբուսային համար 15 երթուղու ուղեգիծը Նոր Նորքի 6-րդ զանգվածի վերջնակետից Միկոյան-Գալշոյան-Գյուլիքեխվյան-Բակունցի-Ա.Հովհաննիսյան փողոցներով երկարաձգվել է մինչև Նոր Նորքի 4-րդ զանգված՝ «Սիգարոն» գործարանի մոտ։
Միաժամանակ հայտնում ենք, որ նշված ավտոբուսային երթուղիները սպասարկող «Երևանի ավտոբուս» ՓԲԸ-ում կատարվում է վարորդների հավաքագրում։
