ԵՐԵՎԱՆ, 2 մարտի — Sputnik. Կակաչները մայրաքաղաքում բացվող առաջին ծաղիկները կլինեն և կզարդարեն գարնանային Երևանի այգիները, պուրակները, ինչպես նաև փողոցների հարակից ծաղկային տարածքները մարտի 20-ից մինչև ապրիլի վերջն ընկած ժամանակահատվածում: Այս մասին հայտնում է Երևանի քաղաքապետարանի մամուլի ծառայությունը։
Նախորդ տարի Հոլանդիայից ներկրված 500 հազար սոխուկները պահեստավորված շուրջ 250 000 սոխուկի հետ միասին տնկվել են այգիներում, պուրակներում ու մայթերին հարակից ծաղկային տարածքներում:
Սոխուկների տունկը կազմակերպվել է նախատեսված ագրոկանոնների համաձայն, հետևաբար, մասնագիտական նախնական եզրակացությամբ կապահովվի կպչողականության բարձր ցուցանիշ: