ԵՐԵՎԱՆ, 5 մարտի — Sputnik. «Մանչեսթեր Յունայթեդի» կիսապաշտպան Հենրիխ Մխիթարյանը չի մասնակցի Եվրոպա լիգայի 1/8 եզրափակչի առաջին հանդիպմանը, որը կկայանա «Ռոստովի» հետ: Այս մասին նշված է ֆուտբոլային ակումբի պաշտոնական կայքում:
Թիմի գլխավոր մարզիչ Ժոզե Մոուրինյուի խոսքով՝ ֆուտբոլիստը պետք է վերականգնվի և պատրաստվի «Չելսիի» հետ հանդիպմանը, որը կկայանա մարտի 13-ին:
28-ամյա ֆուտբոլիստը վնասվածք էր ստացել Եվրոպա լիգայի գավաթի խաղարկության 1/16 եզրափակչի «Սենտ Էթիենի» դեմ խաղում, որում մանկունյանցիները հաղթել էին հենց նրա խփած գոլի շնորհիվ:
