ԵՐԵՎԱՆ, 6 մարտի — Sputnik. Սույն թվականի մարտի 6-ին, տեղական ժամանակով ժամը 10:24-ին (Գրինվիչի ժամանակով` 06:24) Արցախի Քարվաճառ քաղաքից 28 կմ դեպի հյուսիս-արևելք ՀՀ ԱԻՆ Սեյսմիկ պաշտպանության ծառայության սեյսմոլոգիական ցանցի կողմից գրանցվել է 3.4 մագնիտուդով երկրաշարժ` օջախի 10 կմ խորությամբ: Այս մասին տեղեկացնում են ՀՀ ԱԻՆ լրատվական ծառայությունից։
Ստորգետնյա ցնցման ուժգնությունը էպիկենտրոնում կազմել է 4-5 բալ:
Ավերածությունների մասին տեղեկություններ չկան։
