ԵՐԵՎԱՆ, 6 մարտի — Sputnik. Երկար սպասված գարունը, վերջապես, եկավ։ ՀՀ ԱԻՆ «Հիդրոմետ» ծառայության օդերևութաբանության կենտրոնի պետ ԳագիկՍուրենյանն իր ֆեյսբուքյան էջում ավետել է իրական գարնան գալուստը։
«Առաջիկա 4 օրերին հարավային տաք օդային հոսանքների ներթափանցումը շարունակվելու է: Այսօր առկա ամպամածությունը առաջիկա ժամերից աստիճանաբար կնոսրանա, մինչև մարտի 10-ը հանրապետությունում սպասվում է արևառատ և առանց տեղումների եղանակ:
Օդի ջերմաստիճանը առաջիկա օրերին կլինի նորմայի սահմաններում, Երևանում գիշերը տատանվելով 0-ի սահմաններում, ցերեկը սպասվում է +10…+12 աստիճան տաքություն»,-գրել է Սուրենյանը:
ՀՀ ԱԻՆ լրատվական ծառայությունը ևս տեղեկացնում է Հանրապետության տարածքում առաջիկա 5 օրերի ընթացքում օդի ջերմաստիճանի 8-10 աստիճանով բարձրացման մասին։
Մարտի 6-10-ը սպասվում է առանց տեղումների եղանակ: Քամին՝ հարավ-արևմտյան՝ 3-8 մ/վ արագությամբ:
