Չճանաչված պետության ներկայացուցիչը, թեկուզ՝ Մարդու իրավունքների պաշտպանը, ոչ բոլորի համար է ցանկալի անձ Եվրոպայում: Բայց մենք ունենք շատ դաշնակիցներ, և մեր դաշնակիցներն այն մարդիկ են, որոնք, ինչպես և մենք հավատարիմ ու հետևողական են մարդու իրավունքների պաշտպանությանը: Sputnik Արմենիայի հետ զրույցում նման տեսակետ հայտնեց Արցախի Հանրապետության Մարդու իրավունքների պաշտպան Ռուբեն Մելիքյանը՝ անդրադառնալով փետրվարին Ստրասբուրգ կատարած իր այցելությանը:
«Արցախի բնակչության նկատմամբ ադրբեջանական ոտնձգությունների մասին զեկույցին վերաբերմունքը մեծ մասամբ հետևյալն է՝ ՄԻՊ-ը Արցախի ներկայացուցիչն է, ազգությամբ` հայ, և չի կարող անկողմնակալ տեսակետ ներկայացնել»,- ասաց Մելիքյանը՝ հավելելով, որ ըմբռնումով է մոտենում եվրոպացիների այս տեսակետին: Բայց Արցախի ՄԻՊ-ն այս հարցադրումն անողներին ունի իր պատասխանը.
«Իսկ ինչու է այս հարցող զբաղվում Արցախի ՄԻՊ-ը և ոչ թե այլ իրավապաշտպան կառույցներ: Որովհետև նրանք բացակայում են»:
Ռուբեն Մելիքյանն իր եվրոպացի գործընկերներին կոչ է անում՝ եկեք, դուք արեք:
Պաշտպանը նաև վստահ է, որ միջազգային կառույցների ներկայությունը կզսպի նաև ադրբեջանական կողմի ագրեսիան: