Բուն, ազատագրված Մասիսն ու թռչելու երազանքը՝ նվեր հայ կանանց

Բաժանորդագրվեք
НовостиTelegram
Երևանի պետական բժշկական համալսարանի նախաձեռնած «Բացիկներ հայ կանանց` վիրավոր զինվորներից» ակցիան այնքան մեծ թափ է ստացել, որ զինվորները միայնակ չեն հասցնում ապահովել բացիկների` օրեցօր մեծացող պահանջարկը: Հայ արվեստագետները որոշել են միանալ նախաձեռնությանն ու իրենց նկարներով աջակցել զինվորներին:

Տիկնիկային թատրոնի տնօրեն, բեմադրիչ Ռուբեն Բաբայանի, դերասան Դավիթ Հակոբյանի, ռեժիսոր Նիկոլայ Ծատուրյանի, «Կարին» ազգագրական համույթի գեղարվեստական ղեկավար, ազատամարտիկ վետերան Գագիկ Գինոսյանի թղթին հանձնված մտքերը նկարի տեսք են ստանում Երևանի Փանոս Թերլեմեզյանի անվան ուսումնարանի սաների օգնությամբ: Իսկ վերջնական տեսքի են բերվելու վիրավոր զինվորների ձեռքով, ինչը նախաձեռնության պարտադիր պայմանն է:

Խորհրդանշական բացիկների վաճառքից ստացված հասույթը տրամադրվելու է նոր վերականգնողական կենտրոնի ստեղծմանը, որտեղ երկարատև ու որակյալ բուժում են ստանալու Արցախում վիրավորված զինվորները:

Նախաձեռնության նման արձագանքից շոյված հեղինակները որոշել են այն շարունակել մինչև ապրիլի 7-ը:

Լրահոս
0