ԵՐԵՎԱՆ, 9 մարտի — Sputnik. Իր նամակում, որը տպագրել է «Ակօս» պարբերականը, Չուլջյանը կոչ է արել պոլսահայությանն այդ պաշտոնում ընտրվելու համար աջակցել Գերմանիայի հայ համայնքի հոգևոր առաջնորդ, եպիսկոպոս Գարեգին Բեկչյանին։ Արքեպիսկոպոսի խոսքով` Գարեգին Բեկչյանն արդեն արժանացել է համայնքի բարձր գնահատանքին:
Մարտի 15-ին կայանալիք տեղապահի ընտրությամբ պարզ կդառնա Պոլսո պատրիարքի նոր տեղապահի անունը, որն էլ իր հերթին կպարտավորվի հետամուտ լինել պատրիարքի ընտրությունների նախապատրաստմանն ու անցկացմանը:
Պոլսո պատրիարքի տեղապահի պաշտոնին հավակնում են Պոլսո Հայոց պատրիարքարանի եկեղեցական խորհրդի նախագահ Տ. եպիսկոպոս Սահակ Մաշալյանը, Պոլսո պատրիարքի փոխանորդ արքեպիսկոպոս Արամ Աթեշյանն ու Գերմանիայի հայ համայնքի հոգևոր առաջնորդ, եպիսկոպոս Գարեգին Բեկչյանը:
