ԵՐԵՎԱՆ, 10 մարտի — Sputnik. ԵԱՀԿ Մինսկի համանախագահները Երևան կայցելեն մարտի 27-ին։ Հունաստանի արտգործնախարար Նիկոս Կոցիասի հետ հանդիպումից հետո լրագրողների հետ հանդիպմանն ասաց ՀՀ արտաքին գործերի նախարար Էդվարդ Նալբանդյանը։
«Մարտի 27-ին ԵԱՀԿ Մինսկի խմբի համանախագահները կայցելեն Հայաստան, կլինեն նաև Լեռնային Ղարաբաղում: Նրանք կփորձեն առաջ մղել գործընթացը», — ասաց ՀՀ արտգործնախարարը:
Ավելի վաղ Ադրբեջանի արտգործնախարար Էլմար Մամեդյարովը հայտնել էր, որ համանախագահները մարտի 11-ին կլինեն Բաքվում։
