ԵՐԵՎԱՆ, 11 մարտի — Sputnik. Հայաստանն իր քաղաքականության գիծը կառուցում է համաշխարհային խաղացողների շահերի համընկնմամբ, այլ ոչ թե դրանց հակադրմամբ, ասաց Հայաստանի պաշտպանության նախարար Վիգեն Սարգսյանը Երևանում, «Վալդայ» միջազգային բանավիճային ակումբի «Փոփոխությունների ժամանակը. աշխարհը գլոբալ անկանխատեսելիության դարաշրջանում» արտագնա նիստում:
«Հայաստանը կառուցում է իր քաղաքականությունը ոչ թե գլոբալ խաղացողների դիմակայության, այլ նրանց շահերի համընկնման գոտում», — ասաց Սարգսյանը:
Նրա խոսքով՝ բաց լինելը թույլ է տալիս աշխարհը չբաժանել սևի և սպիտակի: Նախարարը կարծում է, որ աշխարհը պետք է պայմաններ ստեղծի համագործակցության համար, քանի որ համաշխարհային սպառնալիքներն ավելի լայն են, քան առանձին երկրները և ժողովուրդները:
Նա նշեց, որ առանց կոոպերացիայի, համատեղ լուծումների որոնման մենք, որպես տարածաշրջանային և միջազգային հանրություն, կենթարկվենք միջազգային ահաբեկչության և կիբերսպառնալիքների վտանգին:
