ԵՐԵՎԱՆ, 15 մարտի — Sputnik. 2017 թ. մարտի 20-ից գործարկվելու է Երևան քաղաքի Իսակովի պողոտայում (ԱՄՆ դեսպանատնից դեպի Սեբաստիա փողոց 200 մետր հեռավորության վրա) տեղադրված արագաչափ սարքը՝ 2 արագաչափ՝ երկու ուղղություններով, որտեղ երթևեկության թույլատրելի արագությունը 80 կմ/ժ է: Այս մասին նշված է Ոստիկանության կայքում։
Նույն օրվանից գործարկվելու են Երևան քաղաքի Քրիստափորի-Սևանի փողոցների խաչմերուկում տեղադրված տեսախցիկները, իսկ Լենինգրադյան փողոցում տեղադրված արագաչափ սարքը կգործի նույն փողոցի թիվ 10 հասցեի հարակից ճանապարհահատվածում՝ 1 արագաչափ՝ երկու ուղղություններով, որտեղ երթևեկության թույլատրելի արագությունը 60 կմ/ժ է:
Ճանապարհային ոստիկանությունը հորդորում է վարորդներին պահպանել ճանապարհային երթևեկության կանոնները:
