Կիպրոսն առաջին երկիրն էր, որը հրապարակել էր իր մասնակցի անունը։
Հայկական արմատներ ունեցող երգիչը 27 տարեկան է, մասնագիտությամբ՝ մարքեթոլոգ: Նախքան երաժշտի կարիերան սկսելը աշխատել է որպես աուդիտոր: Նա վոկալի դասեր է ստացել, պրոֆեսիոնալ կիթառար է և դաշնակահար, ջազային երաժշտության սիրահար:
Կիպրոսում բազմաթիվ մրցույթների է մասնակցել և հեղինակավոր տեղեր զբաղեցրել: Միևնույն ժամանակ աշխատել է երաժշտական խանութներից մեկում:
Հովիկը Կիպրոսում մեծ ճանաչում է ստացել X Factor-ի շնորհիվ: Նա 2010թ.-ին Եվրատեսիլի ընտրական փուլում ներկայացրել է «Goodbye» երգը և զբաղեցրել 3-րդ տեղը:
Ավելի ուշ նա հաջող շրջագայություն է ունեցել Միջերկրական ծովի առափնյա երկրներում:
«Եվրատեսիլ-2017» մրցույթն այս տարի կանցկացվի մայիսի 9-ին, 11-ին և 13-ին Կիևում: Հայաստանի ներկայացուցիչը՝ Արծվիկը, ելույթ կունենա մայիսի 9-ին՝ 1-ին կիսաեզրափակչի ընթացքում: Մրցույթն այս տարի կանցկացվի «Տոնենք բազմազանությունը» կարգախոսի ներքո:
