ԵՐԵՎԱՆ, 21 մարտի — Sputnik. Երևանի քաղաքապետարանի աշխատակազմի առողջապահության վարչությունից տեղեկացնում են, որ մարտի 10-16-ն ընկած ժամանակահատվածում մայրաքաղաքի ծննդատներում լույս աշխարհ է եկել 390 երեխա: Այս մասին հայտնում է Երևանի քաղաքապետարանի մամուլի ծառայությունը։
«Լույս աշխարհ եկած երեխաներից 200 տղա են, 190-ը` աղջիկ»,- նշված է հաղորդագրության մեջ:
Նույն ժամանակահատվածում Երևանի քաղաքապետարանի ենթակայությամբ գործող ամբուլատոր — համաբուժարանային բուժհաստատություններ է այցելել 40905 քաղաքացի: