«ՕՐՕ» դաշինքը հայտարարություն է տարածել Սամվել Բաբայանի ձերբակալության վերաբերյալ

© Sputnik / Asatur YesayantsНовый политический союз "Дашинк". Вардан Осканян, Сейран Оганян и Раффи Оганесян
Новый политический союз Дашинк. Вардан Осканян, Сейран Оганян и Раффи Оганесян - Sputnik Արմենիա
Բաժանորդագրվեք
НовостиTelegram
Օհանյան–Րաֆֆի–Օսկանյան դաշինը հայտարարություն է տարածել Արցախի պաշտպանության նախկին նախարար Սամվել Բաբայանի ձերբակալության վերաբերյալ։

ԵՐԵՎԱՆ, 22 մարտի — Sputnik. Այսօր ՀՀ ազգային անվտանգության ծառայությունը ձերբակալել է Արցախի պաշտպանության նախկին նախարար Սամվել Բաբայանին։ ՕՐՕ դաշինքը համոզված է, որ այս քայլը կանխատեսելի էր։

Гагик Меликян - Sputnik Արմենիա
ՌԱԴԻՈ
Օրենքը խիստ կլինի Սամվել Բաբայանի նկատմամբ

«Արմավիրի մարզի Ջրառատ գյուղում «Օհանյան-Րաֆֆի-Օսկանյան» դաշինքի դեմ կազմակերպված ակնհայտ սադրանքը, ինչպես նաև դաշինքի շտաբների և պատգամավորության թեկնածուների նկատմամբ զանգվածային բնույթ կրող ճնշումները նպատակ էին հետապնդում վախի մթնոլորտ տարածելու և խոչընդոտելու մեր աշխատանքները»,- նշված է հայտարարության մեջ։

Ըստ դաշինքի առաջնորդների` Սամվել Բաբայանի դեմ քայլը նախապատրաստվում էր օրեր շարունակ։

«Մենք իշխանությունների այս վարքագիծը գնահատում ենք որպես մեր երկրում վախի մթնոլորտ ձևավորելուն և ընտրությունների արդյունքների վրա հակաօրինական միջոցներով ազդելուն ուղղված քայլ»,- նշված է հայտարարության մեջ։

Самвел Бабаян - Sputnik Արմենիա
Հաստատվեց. Սամվել Բաբայանը ձերբակալվել է «Իգլայի» գործով

«Օհանյան-Րաֆֆի-Օսկանյան» դաշինքը շարունակում է իր բնականոն աշխատանքները` վստահեցնելով, որ չեն տրվելու սադրանքների։

Նրանք կոչ են անում միջազգային հանրությանը, դիտորդական առաքելություններին, դիվանագիտական ներկայացուցչություններին` ուշադրության կենտրոնում պահել Ս. Բաբայանի հետ կապված գործը։

Կոչ են անում քաղաքական ուժերին, իրավապաշտպան կազմակերպություններին, քաղաքացիական հասարակությանը, Արցախի և Սփյուռքի հայրենակիցներին` համարժեք գնահատական տալ տեղի ունեցածին։

Հայտարարության տակ ստորագրել են Սեյրան Օհանյանը, Րաֆֆի Հովհաննիսյանը և Վարդան Օսկանյանը։

Русская версия

Լրահոս
0