Խոսակցություններ միշտ են եղել այն մասին, որ Թուրքիայի սև շուկայում վաճառվում են Սիրիայից թալանված պատմամշակութային արժեք ներկայացնող թանգարանային նմուշները, սակայն Թուրքիան հերքում է այդ լուրերը։
Մարտի կեսերին թուրքական Բուրսա քաղաքում տեղի ունեցավ մի միջադեպ` «Աստվածաշնչի» վաճառքի հետ կապված, ինչը պատճառ դարձավ, որ այդ առուվաճառքի մասին պաշտոնական հայտարարություն արվի։ Աստվածաշունչը փորձել էին վաճառել 30 հազար ԱՄՆ դոլարով, այն դեպքում, որ նախապես 10 հազար դոլարի պայմանավորվածություն էր եղել։
«Թուրքական իշխանությունը հայտարարեց, որ Սիրիայից բերված ապրանքները Թուրքիա են հասնում մաքսանենգ ճանապարհով, այնինչ մենք գիտենք, որ թուրք-սիրական սահմանը վերահսկվում է ամենավերջին տեխնիկական հնարավորություններով, մինչև անգամ մի քանի կիլոմետրանոց պատ կա»,- ասում է Հովհաննիսյանը։
Թուրքագետ Կարեն Հովհաննիսյանը վստահեցնում է, որ Թուրքիայի սև շուկայում ոչ միայն Սիրիայից բերված իրեր են վաճառվում, այլև` մարդկային ուժը։ Եվ այն ամենը, ինչ տեղի է ունենում Բուրսայում, պատահական չէ, քանի որ քաղաքապետը Ռեջեփ Թայիփ Էրդողանի զինակից ընկերն է։
Ըստ փորձագետի` այս ամենը կատարվում է Թուրքիայի իշխանության գիտությամբ ու թույլտվությամբ։
