ԵՐԵՎԱՆ, 28 մարտի — Sputnik. Մարտի 28-ի, ժամը 10:00-ի դրությամբ ՀՀ տարածքում կան փակ և դժվարանցանելի ավտոճանապարհներ: Փակ է Վարդենյաց լեռնանացքը: Դժվարանցանելի է Սոթք-Քարվաճառ ավտոճանապարհը: Հայտնում է ՀՀ արտակարգ իրավիճակների նախարարությունը:
Լոռու մարզի Սպիտակ և Վանաձոր, Արարատի մարզի Վեդի, Տավուշի մարզի Բերդ, Դիլիջան և Նոյեմբերյան քաղաքներում, Արագածոտնի մարզի Թալին քաղաքում, Ապարանի և Արագածի տարածաշրջաններում, Սյունիքի մարզի «Մեղրու սար» կոչվող հատվածում ձյուն է տեղում:
Վրաստանի ՆԳՆ ԱԻ դեպարտամենտից ստացված տեղեկատվության համաձայն Ստեփանծմինդա-Լարս ավտոճանապարհը փակ է բոլոր տեսակի տրանսպորտային միջոցների համար:
